مجموعی طور پر الیکشن شفاف ہوئے، عمر توحیدی

او لڈہم: پاسبان صحابہ برطانیہ کے چیئرمین محمد عمر توحیدی نے پاکستان کےالیکشن 2024پر تبصرہ کرتے ہوئے کہاہے کہ ڈنڈا پیر نے پاکستان مسلم لیگ کو سادہ اکثریت سے دور رکھنے کے لئے تھوڑی دوائی پلائی ہے، مجموعی طور پر الیکشن شفاف ہوئے۔

انہوں نے کہا کہ 2018 کی طرح کوئی بڑی دھاندلی نہیں ہوئی اور ہر جماعت کی جو حیثیت تھی اسے اس کے مطابق ہی ووٹ اور نشستیں ملی ہیں اسی لیے ان نتائج کو سوائے تحریک انصاف اور جماعت اسلامی کے باقی تمام جماعتوں نے قبول کر لیا ہے۔

انہوں نے کہا کہ تحریک انصاف دھاندلی کا رونا رو رہی ہے لیکن انتخابات کو دھاندلی زدہ دکھانا عمران خان اور اس کے مشیروں کا پلان سی تھا جو خوش قسمتی سے پورا نہیں ہو سکا ورنہ یہ تمام تر الیکشن کو پامال کر دیتے۔

تبصرےکے آخر میں عمر توحیدی نے الیکشن کے حوالے سے سپریم کورٹ، نگراں حکومت کے تعمیری کردار کی تعریف کی اورالیکشن کمیشن پاکستان کو غیر جانب دارانہ انتخابات کے کامیاب انعقاد پر مبارک باد بھی دی ہے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button