جہلم: حمزہ بیگ ویلفیئر سوسائٹی کی جانب سے حمزہ بیگ دستر خوان پر سینکڑوں محنت کشوں میں گرم کپڑے تقسیم کئے گئے۔
تفصیل کے مطابق حمزہ بیگ شہید دسترخوان سے ملک بھر سے آئے محنت کش اللہ تعالیٰ کا دیا رزق کھاتے ہیں۔ اکثریت کے پاس صرف ایک یا دو جوڑے کپڑوں کے ہوتے ہیں اور سردی سے بچاؤ کے لئے بھی ان کے پاس خاطر خواہ انتظام نہیں ہوتا۔
گزشتہ شام حمزہ بیگ ویلفیئر سوسائٹی نے حمزہ بیگ شہید دسترخوان پر 350 محنت کشوں اور بزرگوں کو گرم کپڑے پہنچائے ۔ اس موقع پر محنت کش دلی دعا گو تھے ۔
یاد رہے کہ حمزہ بیگ ویلفیئر سوسائٹی معاشرے میں مثبت آگاہی اور ایک دوسرے کا احساس کرنے والے معاشرے کے قیام کے لئے کوشاں ہے۔
