جہلم: شہید کانسٹیبل زین خالد کی دوسری برسی، پولیس کے چاق و چوبند دستے کی سلامی

جہلم: شہید کانسٹیبل زین خالد کی دوسری برسی، شہید کی لحد پر جہلم پولیس کے چاق و چوبند دستے نے سلامی دی۔

ڈی ایس پی سٹی ریاض احمد نے شہید کی لحد پر پھول چڑھائے اور شہید کے درجات کی بلندی کے لیے دعا کی، پولیس افسران اور عوام نے کثیر تعداد میں تقریب میں شرکت کی، ڈی ایس پی سٹی نے شہید کے اہلخانہ سے ملاقات بھی کی۔

یاد رہے کہ شہید کانسٹیبل زین خالد 2 سال قبل ڈکیتی کی واردات کو ناکام بناتے ہوئے ملزمان کی گاڑی کی ٹکر لگنے سے شہید ہو گئے تھے۔

ڈی پی او جہلم ناصر محمود باجوہ نے کہا کہ ہم آپ کے دکھ میں برابر کے شریک ہیں، آپ دکھ سکھ کی ہر گھڑی میں ہمیں اپنے ساتھ پائیں گے، شہداء پولیس ہمارے ماتھے کا جھومر ہیں جن کی عظیم قربانیاں ناقابل فراموش ہیں۔

انہوں نے کہا کہ شہداء پولیس ہمارے محسن ہیں جو بہادری اور شجاعت کی، داستانیں رقم کرتے ہوئے ہمیشہ کے لیے امر ہوگئے۔ شہداء پولیس کی لازوال قربانیوں کا قرض ہم کبھی نہیں اتار سکتے، شہداء کی فیملیز اور بچے مجھے اپنی فیملی اور بچوں کی طرح عزیز ہیں۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button