جہلم: ڈپٹی کمشنر جہلم میثم عباس نے سول ہسپتال کے ایمرجنسی وارڈ کا دورہ کیا اور مریضوں کو فراہم کی جانے والی طبی سہولیات کا تفصیلی جائزہ لیا۔
دورے کے دوران ڈپٹی کمشنر نے زیر علاج مریضوں کی عیادت کی اور ان سے طبی سہولیات کے حوالے سے تفصیلات معلوم کیں۔ انہوں نے مریضوں سے براہ راست بات چیت کرتے ہوئے ان کے مسائل اور شکایات کو سنا۔
ڈپٹی کمشنر نے ہسپتال کے میڈیکل سپرنٹنڈنٹ (ایم ایس) اور دیگر طبی عملے کو ہدایات جاری کیں کہ تمام مریضوں کو بہترین طبی سہولیات فراہم کی جائیں۔ انہوں نے زور دیا کہ صفائی کے نظام کو اعلیٰ معیار پر برقرار رکھا جائے تاکہ مریضوں کو کسی بھی قسم کی پریشانی کا سامنا نہ کرنا پڑے۔
ڈپٹی کمشنر نے ہسپتال انتظامیہ کو مزید تاکید کی کہ ایمرجنسی وارڈ میں عملے کی موجودگی یقینی بنائی جائے اور کسی بھی ناگہانی صورتحال میں فوری اور موثر اقدامات کیے جائیں۔
