دینہ: چوہدری امجد عباس پٹواری کی خصوصی کاوش اور انتھک محنت سے اسسٹنٹ کمشنر دینہ صفاء عابد اور تحصیلدار دینہ شمشیر حیدر رانجھا کی ہدایت پر موضع دینہ ٹھیکریاں کو کمپیوٹر ائز کر دیا گیا۔ اب عوام کو باعزت طریقے سے پٹوارخانہ دینہ سے اپنا ہر قسم کا کمپیوٹرائز فرد حاصل کر سکتے ہیں۔
تفصیلات کے مطابق چوہدری امجد عباس پٹواری کی خصوصی کاوش اور انتھک محنت سے موضع دینہ ٹھیکریاں کو مکمل طور پر کمپیوٹرائز کر دیا گیا ہے۔ یہ اقدام اسسٹنٹ کمشنر دینہ صفاء عابد اور تحصیلدار شمشیر حیدر رانجھا کی ہدایات پر کیا گیا، جس کے بعد عوام کو اب پٹوارخانہ دینہ سے ہر قسم کا کمپیوٹرائز فرد باعزت اور شفاف طریقے سے دستیاب ہوگا۔
یاد رہے کہ 2015 میں چوہدری امجد عباس کی کوششوں سے موضع مفتیاں دینہ کو بھی کمپیوٹرائز کیا گیا تھا۔ چوہدری امجد عباس نے بتایا کہ موضع ٹھیکریاں کے چند کھیوٹ ڈیٹا انٹری مسائل کی وجہ سے کچھ ریکارڈ تاحال بلاک ہے، جس پر کام جاری ہے اور جلد مکمل کر لیا جائے گا۔
عوامی حلقوں میں اس پیش رفت پر خوشی کی لہر دوڑ گئی اور انہوں نے اسسٹنٹ کمشنر صفاء عابد، تحصیلدار شمشیر حیدر رانجھا اور چوہدری امجد عباس پٹواری کی کوششوں کو خراج تحسین پیش کیا۔
