پٹرولنگ پولیس کی دینہ اور سوہاوہ میں اہم کارروائیاں، گمشدہ بچی اور بچہ بازیاب، اشتہاری مجرم گرفتار

سوہاوہ: پٹرولنگ پولیس راولپنڈی ریجن نے اہم کارروائیاں کرتے ہوئے گمشدہ بچی اور بچے کو لواحقین سے ملا دیا۔ اشتہاری مجرم اور منشیات فروشوں کو گرفتار کر کے شراب برآمد کر لی گئی۔

تفصیلات کے مطابق پٹرولنگ پولیس راولپنڈی ریجن کی ایس ایس پی محمد بن اشرف کی زیر ہدایات جرائم پیشہ عناصر کے خلاف کارروائیاں جاری ہیں۔ پٹرولنگ پوسٹ مسہ کسوال سوہاوہ سے سب انسپکٹر عاصم ضمیر نے ایک گمشدہ بچی کو جبکہ پٹرولنگ پوسٹ چک اکا دینہ سے سب انسپکٹر وسیم انتصار نے گمشدہ بچے کو ورثاء کے حوالے کیا جس پر ورثا نے خوشی کا اظہار کرتے ہوئے پٹرولنگ پولیس کا شکریہ ادا کیا۔

پٹرولنگ پوسٹ بحریہ ٹاؤن سے اے ایس آئی عمران خالق نے ایک بوتل شراب برآمد کر کے ملزم حمزہ مسعود گرفتار کر لیا اور مقدمہ درج کروا دیا جبکہ مزید کارروائیوں میں ریجن بھر سے 2 اشتہاری مجرم ایاز خان سکنہ ہنگو اور سمیر احمد سکنہ چکوال گرفتار کر کے پابند سلاسل کئے گئے جس پر مدعی مقدمہ نے خوشی کا اظہار کرتے ہوئے پٹرولنگ پولیس کا شکریہ ادا کیا۔

پٹرولنگ پولیس جرائم کی روک تھام اور سرکوبی کیساتھ ساتھ عوام کی حفاظت اور خدمت میں بھی پیش پیش ہے جس کو عوامی حلقوں میں خوب سراہا گیا۔