لندن: صادق خان نے تیسری بار مئیر لندن کا حلف اٹھا کر تاریخ رقم کر دی ہے۔
اس موقع پر نومنتخب میئر لندن صادق خان نے اپنے والدین کو زبردست خراج تحسین پیش کیا۔ ان کہنا تھا کہ میرے والد نے بطور بس ڈرائیور اس شہر کی خدمت کی۔ صادق خان نے کہا والد خود کو لندن کا باسی کہنے پر فخر محسوس کرتے تھے۔
انہوں نے کہا کہ میرے والد جب برطانیہ آئےتو ان دنوں نسل پرستی عروج پر تھی، شاپس اور گیسٹ ہاؤسز کی کھڑکیوں پر لکھا ہوتا تھا، سیاہ فام، آئرش اور کتوں کا داخلہ منع ہے۔
میئر صادق خان نے کہا کہ ایشیائی تارک وطن کا بیٹا جنوبی لندن کی کونسل اسٹیٹ میں بڑا ہو کر اس شہر کا میئر بن گیا، لندن دنیاکا شاندار شہر ہے جہاں ترقی کے بےشمار مواقع ہیں۔
تقریب کے شرکاء نے دیر تک تالیاں بجا کر صادق خان کو خراج تحسین پیش کیا۔
