ہیٹی میں ایک اکیلی خاتون نے اپنے خاندان کے متعدد افراد کے قتل کے انتقام میں تقریباً 40 گینگ ممبرز کو زہر دے کر ہلاک کر دیا۔
یہ واقعہ ہیٹی کے دارالحکومت پورٹ او پرنس کے جنوب مشرقی علاقے کینسکوف میں پیش آیا۔
خاتون جو ایک معروف اسٹریٹ فوڈ دکاندار تھیں، نے گینگ ممبرز کو Haitian empanadas (ایک مقامی غذا) پیش کیی جن میں انہوں نے مبینہ طور پر صنعتی کیڑے مار دوا ملائی۔
انہوں نے یہ کھانے گینگ ممبرز کو "محلے کی حفاظت” کے شکریے کے طور پر پیش کیے۔ کھانے کے بعد، تقریباً 40 گینگ ممبرز کو شدید معدے کی تکلیف اور قے کی شکایت ہوئی، اور وہ اسپتال پہنچنے سے پہلے ہی ہلاک ہو گئے۔
واقعے کے بعد، دیگر گینگ ممبرز نے خاتون کے گھر پر حملہ کیا اور اسے نذرِ آتش کر دیا۔ تاہم خاتون اس وقت گھر پر موجود نہیں تھیں اور محفوظ رہیں۔ بعد ازاں، انہوں نے خود کو پولیس کے حوالے کیا اور ذاتی تحفظ کی درخواست کی۔ خاتون نے بتایا کہ یہ اقدام انہوں نے گینگ ممبرز کے ہاتھوں اپنے خاندان کے افراد کی ہلاکت کے انتقام میں کیا۔
