جہلم: ڈپٹی کمشنر جہلم میثم عباس نے سپورٹس کمپلیکس جہلم کا دورہ کرتے ہوئے جاری تزئین و آرائش کے کام کو جلد مکمل کرنے کی ہدایت کی ہے۔
دورے کے دوران سپورٹس آفیسر نے ڈپٹی کمشنر کو کمپلیکس میں جاری تعمیراتی اور آرائشی کام کی پیش رفت پر بریفنگ دی۔
ڈپٹی کمشنر نے سپورٹس کمپلیکس اور پرانے بیڈمنٹن کورٹ کے کام کا معیار خود چیک کیا اور اطمینان کا اظہار کرتے ہوئے زور دیا کہ تمام کام معیاری اور بروقت مکمل کیا جائے۔
ڈپٹی کمشنر میثم عباس نے کہا کہ سپورٹس کمپلیکس کی تزئین و آرائش مکمل ہونے سے کھیلوں کی سرگرمیوں کو فروغ ملے گا اور نوجوانوں کو صحت مند تفریحی مواقع میسر آئیں گے۔
انہوں نے متعلقہ حکام کو کام کی رفتار مزید تیز کرنے اور مقررہ مدت میں منصوبے کو مکمل کرنے کی ہدایت کی۔
