کھیوڑہ: ٹریفک پولیس میں کالی بھیڑوں نے ٹرانسپورٹروں سے سرعام بھاری رشوت لے کر راتوں رات کروڑ پتی بننے کے خواب دیکھنے لگے، پنڈدادنخان اور کھیوڑہ میں اوور لوڈ گاڑیوں اور کم عمر ڈرائیوروں کی وجہ سے حادثات معمول بن چکے ہیں مگر افسوس کہ ٹریفک پولیس اہلکار رشوت لے کر چھوڑ دیتے ہیں۔
تفصیلات کے مطابق تحصیل پنڈدادنخان میں للِہ جہلم روڈ اور کھیوڑہ پنڈدادنخان روڈ پر جپسم، لائم سٹون، نمک اور لکڑیوں سے بھری ٹریکٹر ٹرالیوں کی اوور لوڈنگ زور و شور سے جاری ہے یہاں تک کہ کم عمر ڈرائیوروں کی وجہ سے حادثات معمول بن چکے ہیں۔
متعدد بار قیمتی جانوں کا ضیاع ہو چکا ہے مگر افسوس کہ ٹریفک پولیس اہلکاروں نے صرف رشوت لینے پر زور رکھا ہوا ہے مگر اوولوڈنگ گاڑیوں کم عمر ڈرائیوروں کو کنٹرول کرنے میں عدم دلچسپی کا مظاہرہ کرتے ہیں، ٹریفک پولیس میں ایسی کالی بھیڑیں جو سرعام ڈرائیوروں سے رشوت وصول کرتے ہیں محکمے کے لیے بدنامی کا باعث بنتے ہیں۔
عوامی و سماجی حلقوں نے ایڈیشنل آئی جی ٹریفک پولیس پنجاب مرزا فرحان بیگ آرپی او راولپنڈی اور ڈی پی او جہلم سے فوری ایکشن لینے کا مطالبہ کیا ہے کہ ایسے رشوت خور پولیس اہلکاروں کے خلاف سخت قانونی کاروائی عمل میں لائی جائے ان کی فوری ٹرانسفر کی جائے اور اچھے مخلص پولیس افسران تعینات کیے جائیں جو اوورلوڈ گاڑیوں کم عمر ڈرائیور بغیر لائسنس کی روک تھام کے لیے عملی اقدامات کریں اور اپنے محکمے کا نام روشن کرے۔
