دینہ کی معروف اور معزز شخصیت، پی ٹی سی ایل ایکسچینج دینہ کے ریٹائرڈ سپروائزر محمد حبیب علالت کے باعث انتقال کر گئے۔ مرحوم کافی عرصہ سے علیل تھے اور گزشتہ روز محلہ خلیل آباد میں خالقِ حقیقی سے جا ملے۔
محمد حبیب دینہ کے سماجی حلقوں میں ایک ملنسار، شریف اور باوقار شخصیت کے طور پر جانے جاتے تھے۔ ان کے انتقال کی خبر نے پورے علاقے کو غم میں مبتلا کر دیا ہے، جبکہ اہلِ علاقہ کا کہنا ہے کہ شہر ایک بااخلاق اور مخلص انسان سے محروم ہو گیا ہے۔
مرحوم کی نمازِ جنازہ جمعہ کے روز صبح 11 بجے ڈی مارٹ جی ٹی روڈ دینہ کے سامنے ادا کی گئی، جس میں رشتہ داروں، دوست احباب، معززینِ علاقہ اور شہریوں کی بڑی تعداد نے شرکت کی۔
مرحوم کے ایصالِ ثواب کے لیے دعا کی گئی اور تمام احباب سے مرحوم کے لیے دعا اور لواحقین سے اظہارِ تعزیت کی اپیل کی گئی ہے۔
