جہلم: ڈی پی او جہلم ناصر محمود باجوہ کے احکامات پر جہلم پولیس کی بڑی کامیابی، اندھے قتل کا سراغ لگا لیا، نوجوان گوالے کے قتل میں ملوث 3 ملزمان گرفتار کر لئے۔
تفصیلات کے مطابق ایس ایچ او چوٹالہ ظہیر الدین بابر اور ٹیم نے اہم کارروائی کرتے ہوئے حسیب علی نامی شہری کے قتل میں ملوث تین ملزمان کو گرفتار کر لئے، ملزمان کی شناخت محمد اشفاق،رجب علی اور محسن اقبال کے ناموں سے ہوئی ہے۔
پولیس حکام نے بتایا کہ ملزمان سے وقوعہ میں استعمال ہونے والا ناجائز اسلحہ کلاشنکوف معہ ایمونیشن، موٹرسائیکل اور موبائل فونز برآمد کر لئے گئے ہیں، رواں ماہ حسیب علی دودھ سپلائی کرنے جا رہا تھا کہ ملزمان نے فائرنگ کر کے اسے قتل کر دیا تھا۔
ڈی پی او جہلم ناصر محمود باجوہ کے احکامات پر جہلم پولیس کی بڑی کامیابی، اندھا قتل ٹریس، وقوعہ میں ملوث ملزمان گرفتار، ایس ایچ او چوٹالہ ظہیر الدین بابر اور ٹیم نے اہم کاروائی کرتے ہوئے حسیب علی نامی شہری کے قتل میں ملوث 03 ملزمان کو گرفتار کر لیا، pic.twitter.com/R6Rgoq8Lhu
— JHELUM POLICE OFFICIAL (@police_jhelum) January 27, 2024
جہلم پولیس نے ایک ماہ سے بھی کم عرصہ میں ملزمان کو ٹریس کرکے گرفتار کر لیا ہے۔
شہریوں، سول سوسائٹی اور اہل علاقہ نے اندھے قتل میں ملوث ملزمان کی گرفتاری پر ڈی پی او جہلم، ڈی ایس پی صدر اور ایس ایچ او چوٹالہ معہ ٹیم کو خراج تحسین پیش کیا۔
ڈی پی او جہلم ناصر محمود باجوہ نے کہا کہ ملزمان چاہے کتنے ہی شاطر کیوں نا ہوں قانون کی گرفت سے نہیں بچ سکتے، ڈی پی او جہلم نے ڈی ایس پی صدر، ایس ایچ او چوٹالہ معہ ٹیم کو شاباش اور تعریفی سرٹیفکیٹ جاری کرنے کا اعلان کیا۔
