جہلم کے نواحی علاقہ میں 5 سالہ بچی دریائے جہلم میں ڈوب کر جاں بحق ہو گئی، لاش کو دریا سے نکال لیا گیا۔
ریسکیو ذرائع کے مطابق جہلم کے علاقہ مصری موڑ کے قریب ملک پور میں 5سالہ ارویٰ دختر غلام مرتضیٰ اپنے ماں کے ساتھ دریا کے کنارے بیٹھی تھی کہ اچانک پاؤں سلپ ہونے سے وہ دریائے جہلم میں گر گئی اور ڈوب کر جاں بحق ہو گئی۔
ریسکیو 1122 کی ٹیم کے پہنچنے سے قبل ہی مقامی افراد نے اپنی مدد آپ کے تحت 5 سالہ بچی کو دریا سے نکال لیا، ریسکیو 1122 کی ٹیم نے بچی کو بروقت طبی امداد دی لیکن وہ جانبر نہ ہو سکی۔
