جہلم: ڈی پی او جہلم ناصر محمود باجوہ کی طرف سے جہلم پولیس سے ریٹائرڈ ہونے والے ڈی ایس پی غلام عباس شاہ کے اعزاز میں نجی ریسٹورنٹ میں شاندار الوداعی تقریب کا اہتمام کیا۔
تقریب میں ڈی پی او جہلم ناصر محمود باجوہ کے علاوہ ایس پی انویسٹی گیشن محمد حسیب راجہ ، ایس ڈی پی اوز سٹی، صدر، سوہاوہ، پنڈ دادنخان، ڈی ایس پی ٹریفک اور ڈی ایس پی ہیڈکوارٹرز نے شرکت کی، الوداعی تقریب میں ایس ایچ اوز سٹی،صدر،سوہاوہ سرکل ہائے اور انچارج برانچز ڈی پی او آفس بھی شریک ہوئے۔
ڈی ایس پی سید غلام عباس شاہ نے محکمہ پولیس کے لئے اپنی زندگی کے 42 قیمتی سال وقف کئے ، اس دوران وہ مختلف اضلاع میں بطور ایس ایچ او اور دیگر اہم ذمہ داریوں پر فائض رہے۔
ڈی پی او جہلم نے ڈی ایس پی غلام عباس شاہ کو ان کی ریٹائرمنٹ کی مبارکباد دی اور ان کے بہتر مستقبل کے لئے نیک خواہشات کا اظہار کیا۔
ڈی پی او جہلم ناصر محمود باجوہ نے کہا کہ کہا کہ غلام عباس شاہ نے اپنی سروس کے دوران محکمہ پولیس اور عوام الناس کیلئے جو خدمات سرانجام دی ہیں وہ قابل تعریف ہیں، آپ ریٹائرمنٹ کے بعد بھی جہلم پولیس کا حصہ ہیں ، میرے دفتر کے دروازے ہمیشہ آپ کے لئے کھلے ہیں۔
تقریب کے اختتام پر ڈی پی او جہلم ناصر محمود باجوہ ، ایس پی انویسٹی گیشن محمد حسیب راجہ ، جملہ ڈی ایس پیز ، ایس ایچ اوز اور انچارج برانچز ڈی پی او آفس نے محکمہ پولیس سے ریٹائر ہونے والے ڈی ایس پی سید غلام عباس شاہ کو تحائف اور پھولوں کے گلدستے پیش کیے اور نیک خواہشات کے ساتھ رخصت کیا۔
