ضلع جہلم میں نئے تعلیمی سال کا آغاز ہوچکا مگر مہنگائی نے والدین کی خوشیوں کو نظر لگا دی، درسی کتب ہوں یا اسٹیشنری تمام اشیاء کی قیمتوں میں 25 فیصد تک اضافے نے شہریوں کا بجٹ آؤٹ کردیا
بچوں کو اچھی تعلیم دلوانا والدین کیلئے کڑا امتحان بن گیا، اشیائے ضروری کے ساتھ ساتھ درسی کتب اور اسٹیشنری سمیت دیگر اشیاء بھی مہنگی ہوگئیں۔
ضلع جہلم میں نیا تعلیمی سال شروع ہوگیا، چہروں پر خوشی نہیں بلکہ فکروں کے سائے ہیں، درسی کتابیں، کاپیاں، پنسلز، مارکرز، ہر چیز کی قیمت میں 25 فیصد اضافہ ہوگیا ہے۔
والدین کا کہنا ہے کہ جو چیزیں پہلے 5 ہزار میں مل جاتی تھیں اب 8 سے 9 ہزار میں مل رہی ہیں، ہمارے تو ہاتھ کھڑے ہوگئے، کیسے خرچے پورے کریں، کمر ٹوٹ گئی ہے بچوں کو پڑھانا مشکل ہوگیا ہے۔
دکاندار کے مطابق اسٹشنری کی قیمتوں میں اضافے کے باعث کاروبار متاثر ہورہا ہے، ہر چیز میں 25 فیصد سے زائد اضافہ ہوگیا، جو پنسل پہلے 15 روپے کی تھی اب 20 سے 25 روپے میں ہوگئی ہے، کتابیں بھی مہنگی ہیں اب تو لوگ خریدتے بھی مجبوراً ہیں۔
رپورٹ کے مطابق پرائیویٹ اسکولوں نے فیسوں میں بھی 10 فیصد تک اضافہ کر دیا گیا۔
سرکاری سکول رہ کون سا گیا ہے سارے ہی تو پرائیویٹ کر دیے ہیں اللہ ہی نگہبان ہے ہمارے ملک کا… سیاسی جماعتوں کے سربراہ جو سوشل میڈیا اور خبروں میں کہتے ہیں کہ مہنگائی ایک فیصد پر آ گئی ہے کوئی یہ بات ان کو بھی بتائے…..