جہلم: ڈسٹرکٹ پولیس آفس جہلم میں ڈی پی او جہلم ناصر محمود باجوہ کی سربراہی میں میٹنگ کا انعقاد کیا گیا۔
میٹنگ میں ایس پی انویسٹی گیشن جہلم محمد حسیب راجہ، ایس ڈی پی اوز ، ڈی ایس پی ہیڈکوارٹرز، ڈی ایس پی آرگنائزڈ کرائم یونٹ اور ڈی ایس پی ٹریفک جہلم بھی شریک ہوئے۔
ڈی پی او جہلم نے کہا کہ میٹنگ کے انعقاد کا مقصد حکومت پنجاب کے ویژن اور انسپکٹر جنرل آف پولیس پنجاب کی ہدایات سے ضلعی پولیس افسران کو آگاہی فراہم کرنا ہے، ایس ڈی پی اوز تمام تفتیش ہائے کی سپرویژن کرتے ہوئے میرٹ پر یکسوئی یقینی بنائیں، مقدمات میں سزا یابی کا تناسب بہر صورت بہتر بنایا جائے۔
ڈسٹرکٹ پولیس آفیسر ناصر محمود باجوہ نے ضلع بھر میں منشیات فروشوں، اشتہاری ملزمان اور پتنگ بازی کے خلاف بلا تفریق کریک ڈاؤن کرنے کی ہدایات کیں اور کہا کہ تمام گزٹیڈ افسران 1787 پر موصول ہونے والی شہریوں کی شکایات کو ترجیحی بنیادوں پر حل کرنے اور میرٹ پر بر وقت جوابات ارسال کرنے کے ذمہ دار ہوں گے۔
انہوں نے کہا کہ عورتوں اور بچوں سے متعلق ہونے والے جرائم پر خصوصی توجہ دیتے ہوئے میرٹ کی بالا دستی یقینی بنائی جائے، کسی بھی واقعہ کے رپورٹ ہونے کی صورت میں سپر وائزری افسران فوری جائے وقوعہ پر پہنچیں اور شکایت کنندہ کی شکایت کے ازالہ کے لئے تمام تر قانونی اقدامات کریں۔
ڈی پی او جہلم نے کہا کہ تمام سپروائزری افسران اپنے ماتحت عملہ کی کیٹیگرآئزیشن کریں، کسی بھی ماتحت کی بد عنوانی اور اختیارات سے تجاوز پر آپ تمام متعلقہ افسران جوابدہ ہوں گے۔ ڈی ایس پی ٹریفک ، ٹریفک قوانین کی آگاہی مہم موثر بنائیں ، موٹر سائیکل سواران میں لین ڈسپلن کی پابندی اور کم عمر ڈرائیوران کی حوصلہ شکنی کریں۔
ڈی پی اوجہلم ناصر محمود باجوہ نے کی ضلع بھر کےڈی ایس پیز کو ہدایات کیں کہ عوام الناس کی سہولت ،بہتر پبلک سروس ڈیلیوری اور انصاف کی فراہمی میں کوئی کسر نہ اٹھا رکھی جائے۔
