پنڈدادنخان: جہلم پولیس نے اہم کارروائی کرتے ہوئے قتل کے مقدمہ میں ملوث ملزم کو گرفتار کر کے آلہ قتل برآمد کر لیا۔
تفصیلات کے مطابق جہلم کی تحصیل پنڈڈادنخان میں ایس ایچ او تھانہ جلالپور شریف صداقت علی اور ان کی ٹیم نے کامیاب کارروائی کرتے ہوئے قتل کے مقدمہ میں ملوث ملزم کو گرفتار کر لیا۔ کارروائی کے دوران ملزم کے قبضے سے آلہ قتل رائفل معہ ایمونیشن بھی برآمد کر لی گئی۔
پولیس حکام کا کہنا ہے کہ ملزم کو ٹھوس شواہد کے ساتھ چالان عدالت پیش کیا جائے گا اور اسے قرار واقعی سزا دلوائی جائے گی۔
اس حوالے سے طارق عزیز سندھو نے کہا کہ سنگین نوعیت کے مقدمات میں ملوث ملزمان کسی رعایت کے مستحق نہیں اور قانون کے مطابق سخت کارروائی عمل میں لائی جائے گی۔
