دینہ: تحصیل دینہ اور گردو نواح میں تین روزہ انسداد پولیو مہم کا آغاز کر دیا گیا، اسسٹنٹ کمشنر دینہ سعدیہ حسین ڈوگر نے رورل ہیلتھ سنٹر دینہ میں بچوں کو قطرے پلا کر افتتاح کیا۔
تفصیلات کے مطابق جہلم کی تحصیل دینہ اور گردونواح میں تین روزہ انسداد پولیو مہم کا آغا ز کر دیا گیا ، پیر کے روز اسسٹنٹ کمشنر دینہ سعدیہ حسین ڈوگر نے رورل ہیلتھ سنٹر دینہ میں بچوں کو قطرے پلا کر افتتاح کیا۔ اس موقع پر ڈپٹی ہیلتھ آفیسر دینہ ڈاکٹر ارشاد تونیو اور ضمیر حسین منہاس تحصیل سپر وائزر فار پولیو تحصیل دینہ بھی موجود تھے۔
اسسٹنٹ کمشنر دینہ سعدیہ حسین ڈوگر نے قطرے پلانے کے بعد میڈیا سے گفتگو کرتے ہوئے کہا کہ حکومت پنجاب کی ہدایت پر مختلف اضلاع میں پولیو سے بچاؤ کے لیے پانچ سال سے کم عمر بچوں کو پولیو کے قطرے پلائے جا رہے ہیں۔
انہوں نے کہا کہ پولیو مہم میں والدین کو چاہئے کہ اپنے بچوں کے بچاؤ کے لیے پولیو کے قطرے ضرور پلائیں۔ اس سلسلے میں کمپین بھی چلا رہے ہیں او ر عوام کا تعاون بھی بہت ضروری ہے۔ ہر بچے کو 2قطرے پلانا ضروری ہے، عوام کے تعاون سے ہی پولیو کا خاتمہ ممکن ہے۔
