جہلم: ایس ایچ او سول لائنز عمران حسین اور ٹیم کی اہم کارروائی، اڑھائی ماہ قبل لاہور سے لاپتہ ہونے والے نوجوان لڑکے کو ڈھونڈ نکالا۔
تفصیلات کے مطابق سول لائنز پولیس جہلم نے کارروائی کرتے ہوئے 17 سالہ عمیر شوکت جو یکم فروری کو غازی آباد لاہورسے لاپتہ ہو گیا تھا کو ڈھونڈ کر لاہور پولیس کے حوالے کر دیا۔ گمشدہ لڑکے کے والدین نے جہلم پولیس کا تہہ دل سے شکریہ ادا کیا۔
ڈی پی او جہلم ناصر محمود باجوہ نے کہا کہ جہلم پولیس شہریوں کی جان و مال کے تحفظ کے ساتھ ساتھ ہمہ وقت خدمت خلق میں مصروف عمل ہے۔
