جہلم میں پتنگ دینے کے بہانے 12 سالہ لڑکے سے بدفعلی کی کوشش کرنے والا درندہ صفت ملزم گرفتار کر لیا گیا۔
تفصیلات کے مطابق ایس ایچ او تھانہ سول لائنز جہلم اور ٹیم نے اہم کارروائی کرتے ہوئے 12 سالہ بچے کے ساتھ جنسی زیادتی کی کوشش کرنے والے ملزم ذیشان کو گرفتار کر لیا۔
پولیس کا کہنا ہے کہ ملزم نے 12 سالہ لڑکے کو پتنگ دینے کے بہانے دوکان میں بلا کر جنسی زیادتی کرنے کی کوشش کی، ملزم کو ٹھوس شواہد کے ساتھ چالان عدالت کیا جائے گا اور قرار واقعی سزا دلوائی جائے گی۔
ڈسٹرکٹ پولیس آفیسر جہلم ناصر محمود باجوہ نے کہا کہ عورتوں اور بچوں کے ساتھ زیادتی جیسے مقدمات میں زیرو ٹالرینس پالیسی پر عمل پیرا ہیں۔
