جہلم میں خاتون منشیات فروش کو10 اور 6 سال قید، ڈیڑھ لاکھ روپے جرمانے کی سزا

جہلم: ایڈیشنل سیشن جج جہلم شہباز حسین نےمنشیات کے مقدمہ نمبر 55/23 بجرم CNSA 9(1)3C تھانہ سٹی جبکہ دوسرے مقدمہ نمبر 217/21 بجرم 9C CNSA تھانہ سول لائینز کا فیصلہ سنا دیا۔

مجرمہ ربیعہ جمیل نے دونوں مقدمات میں منشیات فروشی کے جرم کا ارتکاب کیا تھا جس پر عدالت نے مجرمہ ربیعہ جمیل کو مقدمہ نمبر 55/23بجرمCNSA9(1)3C تھانہ سٹی میں 10سال قیداور 1لاکھ 25ہزار روپے جرمانہ کی سزا کا فیصلہ سنایا۔

عدالت نے دوسرے مقدمہ نمبر 217/21 تھانہ سول لائنز بجرم9C CNSA میں مجرمہ ربیعہ جمیل کو 6سال قیداور 30ہزار روپے جرمانہ کی سزا کا فیصلہ سنایا، مجرمہ کو2021اور2023میں منشیات فروشی کے جرم میں گرفتار کیا گیا تھا۔

جہلم پولیس نے مجرمہ کو ٹریس کرکے گرفتار کیا اور ٹھوس شواہد کیساتھ چالان عدالت کیا اور مقدمہ کی موثر پیروی کی، جس کے پیش نظر معزز عدالت نے مجرم کو قرار واقعی سزا سنائی۔

اس موقع پر ڈی پی او جہلم ناصر محمود باجوہ کا کہنا ہے کہ منشیات فروش معاشرے کا ناسور ہیں جن کے خاتمے کے لئے بھرپور آپریشن جاری ہے، ڈی پی او جہلم ناصر محمود باجوہ نے انوسٹی گیشن اور لیگل ٹیموں کو شاباش دی، تعریفی سرٹیفکیٹ اور نقد انعام دینے کا اعلان کیا۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button