دینہ میں منگلا روڈ پر معمولی تنازعہ پر پارکنگ مالک کا 55 سالہ ملازم کو مبینہ بدترین تشدد کا نشانہ بنا ڈالا، ملازم موقع پر ہی جاں بحق ہو گیا، لاش کو ہسپتال منتقل کر دیا گیا، ملزم فرار ہونے میں کامیاب ہو گیا۔
تفصیلات کے مطابق جہلم کی تحصیل دینہ میں منگلا روڈ پر کار پارکنگ کے مالک اکرم نے 55 سالہ ملازم حبیب احمد سکنہ چوہان سٹریٹ دینہ کو معمولی تنازعہ پر مبینہ تشدد کا نشانہ بناڈالا جس کے نتیجے میں ملازم جاں بحق ہوگیا۔
پولیس کے مطابق مقتول حبیب کے جسم اوربازوں پر تشدد کے نشانات ہیں، لاش کو ہسپتال منتقل کردیا گیا ہے جبکہ ملزم موقع سے فرار ہونے میں کامیاب ہوگیا۔
پولیس کا یہ بھی کہنا ہے کہ پوسٹمارٹم کے بعد ہلاکت کی وجہ معلوم ہوگی۔ گاڑیوں کی پارکنک کے مالک اکرم کے پاس مقتول حبیب کافی عرصہ سے کام کرتا آ رہا تھا۔ شواہد اکھٹے کرنے کا سلسلہ جاری ہے۔
پولیس کی جانب سے ضابطے کی کارروائی کا آغاز کردیا گیا۔
