سوہاوہ کے علاقہ ڈومیلی میں لوڈر رکشہ گہری کھائی میں جاگرا، حادثے میں دو نوجوان جاں بحق اور دو افراد شدید زخمی ہو گئے، ڈیڈ باڈیز اور زخمیوں کو ہسپتال منتقل کر دیا گیا۔
تفصیلات کے مطابق جہلم کی تحصیل سوہاوہ کے علاقہ ڈومیلی میں لوڈر رکشہ گہری کھائی میں جا گرا جس کے نتیجہ میں چنجلوٹ کے رہائشی 20 سالہ جنید ولد ساجد اور 30 سالہ فرحان ولد نذیر جاں بحق ہوگئے، حادثہ میں 39 سالہ محمد فہیم ولد محمد صدیق اور 38 سالہ عامر ولد صدیق عمر شدید زخمی ہو گئے۔
ریسکیو ذرائع کے مطابق حادثہ تیزرفتاری کے باعث پیش آیا، ریسکیو 1122 نے ڈیڈ باڈیز اور زخمی افراد کو رورل ہیلتھ سنٹر ڈومیلی منتقل کر دیا۔
