سوہاوہ: جامع مسجد الفرقان سوہاوہ میں پہلی سالانہ سیرت النبی ﷺ کانفرنس باوقار انداز میں منعقد ہوئی۔
پروگرام کا آغاز تلاوتِ قرآنِ مجید اور نعتِ رسولِ مقبول ﷺ سے ہوا، جس کے بعد حافظ نعیم قمر، خطیب مسجد الفرقان نے افتتاحی کلمات پیش کیے۔
پروگرام کے مہمانِ خصوصی ڈاکٹر طارق سلیم، امیر جماعت اسلامی پنجاب شمالی نے سیرتِ طیبہ کے مختلف پہلوؤں پر مدلل اور پُراثر خطاب کرتے ہوئے اسے موجودہ دور کے مسائل کے حل کے طور پر پیش کیا۔
ڈاکٹر قاسم محمود چوہدری، امیر جماعت اسلامی ضلع جہلم، سید ضیاء اللہ بخاری، امیر جماعت اسلامی تحصیل سوہاوہ اور محمد آصف بٹ، امیر جماعت اسلامی شہر سوہاوہ بھی اس موقع پر موجود تھے۔
نمازِ جمعہ کے بعد مسجد الفرقان کے بالائی ہال کی تعمیر کا باقاعدہ سنگِ بنیاد ڈاکٹر طارق سلیم نے رکھا۔ مہمانوں کا استقبال پھولوں کی پتیاں نچھاور کر کے اور ہار پہنوا کر کیا گیا جبکہ پروگرام میں عوام کی بڑی تعداد نے شرکت کی اور اختتام پر شرکاء کی ضیافت کا بھی اہتمام کیا گیا۔
