جہلم میں خاتون سمیت 3 افراد کو جرم ثابت ہونے پر قید اور بھاری جرمانے کی سزا

جہلم میں خاتون سمیت 3 افراد کو جرم ثابت ہونے پر قید اور بھاری جرمانے کی سزا سنا دی گئی۔

تفصیلات کے مطابق پراسیکیوٹر جنرل پنجاب سید فرہاد علی شاہ کے ویژن کے مطابق غلام محی الدین رانجھا ڈپٹی ڈسٹرکٹ پبلک پراسیکیوٹر جہلم کی موثر پیروی کی بدولت بعدالت ایڈیشنل سیشن جج جہلم چوہدری فیاض الحسن نے مقدمہ نمبر 220/23 میں نامزد ملزم محمد شیراز کو 9 سال قید بامشقت اور ایک لاکھ جرمانے کی سزا بنا دی۔

ایڈیشنل سیشن جج جہلم چوہدری فیاض الحسن نے مقدمہ نمبر 548/22 میں نامزد ملزم ادیب کو 5 سال قید بامشقت اور 20 ہزار جرمانہ جبکہ مقدمہ نمبر 283/23 میں ملزمہ نازیہ بی بی کو 14 سال قید بامشقت اور4 لاکھ جرمانہ کی سزا سنا دی۔

اس موقع پر ڈسٹرکٹ پبلک پراسیکیوٹر ظفر اقبال اور پبلک ریلیشنز آفیسر ظہیر عباس اُپل نے کہا کہ مقدمات کی بہتر پیروی سے ملزمان کو کیفر کردار تک پہنچایا جا سکتا ہے اور اسی سے قانون کی عمل داری قائم ہو گی، ایسے مقدمات میں سزا یابی محکمہ پبلک پراسیکیوش کی عمدہ کارکردگی کا منہ بولتا ثبوت ہے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button