جہلم: ریسکیو 1122 جہلم نے دو روز میں مجموعی طور پر 143 ایمرجنسیز پر رسپانس کیا اور 143 افراد کو ریسکیو کیا۔ ان میں سے 51 افراد کو موقع پر فرسٹ ایڈ فراہم کی گئی جبکہ 92 افراد کو ہسپتال منتقل کیا گیا۔
تفصیلات کے مطابق جہلم میں گزشتہ روز ریسکیو 1122 جہلم نے 83 ایمرجنسیز پر رسپانس کیا، جن میں 13 روڈ ٹریفک حادثات ہوئے، جن میں 13 افراد زخمی ہوئے۔
میڈیکل ایمرجنسیز کی تعداد 58 تھی، ایک ڈوبنے کا واقعہ، آگ لگنے کے 4 واقعات اور متفرق ایمرجنسیز کی تعداد 7 تھی۔ بدقسمتی سے، گزشتہ روز مختلف ایمرجنسیز میں 4 افراد جان کی بازی ہار گئے۔
اسی طرح 26 اپریل کو ریسکیو 1122 جہلم نے 72 ایمرجنسیز پر رسپانس کیا، جن میں 12 روڈ ٹریفک حادثات ہوئے، جن میں 14 افراد زخمی ہوئے۔ میڈیکل ایمرجنسیز کی تعداد 44، آگ لگنے کے 4 واقعات اور متفرق ایمرجنسیز کی تعداد 12 تھی۔
ریسکیو 1122 کی ایمرجنسی خدمات نے دونوں دنوں میں متعدد جانیں بچائیں اور زخمیوں کو فوری طبی امداد فراہم کی۔ ان واقعات سے یہ ظاہر ہوتا ہے کہ ریسکیو 1122 کی ٹیم روزانہ کی بنیاد پر انسانی زندگیوں کی حفاظت اور فوری امداد فراہم کرنے میں اہم کردار ادا کر رہی ہے۔
