جہلم: صدر الیکٹرانک میڈیا جہلم پریس کلب چوہدری عابد محمود اور چیئرمین عامر کیانی کی سر براہی میں صحافیوں کے وفد نے ڈپٹی کمشنر سیدہ رملہ علی سے ملاقات کی۔
صحافیوں نے شہر میں تجاوزات، ڈی ایچ کیو ہسپتال کے مسائل، سیوریج کے ناقص نظام، ٹریٹمنٹ پلانٹ کی تنصیب پرائس کنٹرول کمیٹیوں کی ناقص کارکردگی زیرتعمیر مصری موڑ تا پنڈدادنخان ڈیلول کیرج سڑک گڑھوں میں تبدیل ضلع بھر میں مضر صحت پانی کی فروخت کے بارے مسائل سے آگاہ کیا۔
ڈپٹی کمشنر سیدہ رملہ علی نے شہری مسائل کو حل کرنے کی یقین دہانی کرائی اور کہا کہ ضلع جہلم کو مثالی ضلع بنانے کی کوشش کررہی ہوں۔ شہرسمیت دیہاتوں کو صاف ستھرا رکھنے کے لیے صفائی پر خصوصی توجہ دی جا رہی ہے۔ ہسپتال کے نظام کو بہتر بنانے کےلیے تمام تروسائل بروئے کار لائے جارہے ہیں۔
انہوں نے کہا کہ صحافی مسائل کی مثبت طریقہ کار سے نشاندہی کریں تو مسائل حل کرنے میں آسانی ہوتی ہے۔ غفلت لا پرواہی اور بددیانتی کرنے والے کسی بھی محکمہ کے افسر کو کسی صورت برداشت نہیں کیا جائے گا۔
