جہلم: سی ای او ایس ایل ایس گروپ سرفراز ملک نے سید سہیل رضا رضوی کو ضلعی امن کمیٹی کا رکن مقرر ہونے پر دلی مبارکباد پیش کی ہے اور ان کے لیے نیک خواہشات کا اظہار کیا ہے۔
اپنے تہنیتی پیغام میں سرفراز ملک نے کہا کہ سید سہیل رضا رضوی کا خاندان جہلم کے لیے باعثِ فخر ہے، جس نے اپنی گراں قدر خدمات کے ذریعے نہ صرف علاقے کا نام روشن کیا بلکہ پاکستان کی خدمت میں بھی اہم کردار ادا کیا ہے۔
انہوں نے امید ظاہر کی کہ سید سہیل رضا رضوی ضلعی امن کمیٹی کے پلیٹ فارم سے امن و امان کے قیام، مذہبی ہم آہنگی کے فروغ، بھائی چارے کے استحکام اور معاشرتی اتحاد کو مضبوط بنانے کے لیے اپنی خدمات مؤثر انداز میں جاری رکھیں گے۔
سرفراز ملک نے کہا کہ معاشرے میں امن، رواداری اور باہمی احترام کے فروغ کے لیے تمام طبقات کے درمیان ہم آہنگی ضروری ہے۔ ضلعی امن کمیٹی اس حوالے سے اہم کردار ادا کر سکتی ہے اور امید ہے کہ سید سہیل رضا رضوی اپنی ذمہ داریاں احسن طریقے سے انجام دیتے ہوئے مثبت کردار ادا کریں گے۔
آخر میں سرفراز ملک نے سید سہیل رضا رضوی کے لیے نیک تمناؤں کا اظہار کرتے ہوئے دعا کی کہ اللہ تعالیٰ انہیں نئی ذمہ داری میں کامیابی عطا فرمائے اور وہ امن، بھائی چارے اور معاشرتی ہم آہنگی کے فروغ کے لیے مزید مؤثر خدمات انجام دے سکیں۔
