سوہاوہ کے علاقے ڈومیلی میں دو موٹرسائیکلوں میں تصادم سے 2 نوجوان جاں بحق اور ایک خاتون شدید زخمی ہو گئی۔
تفصیلات کے مطابق جہلم کی تحصیل سوہاوہ کے نواحی علاقے ڈومیلی میں واقع پھڈیال روڈ دیال کے مقام پر دو موٹرسائیکلوں کے درمیان تیز رفتاری کے باعث خوفناک تصادم پیش آیا۔ حادثے کے نتیجے میں دو افراد موقع پر جاں بحق ہو گئے جبکہ ایک خاتون شدید زخمی ہو گئی۔
ریسکیو ذرائع کے مطابق جاں بحق ہونے والوں میں دینہ کے علاقے منہاس ٹاؤن مفتیاں کا رہائشی 31 سالہ نعیم شہزاد اور ڈومیلی کے علاقے کھیپڑ دیال کا رہائشی 21 سالہ حسن ابرار شامل ہیں جبکہ زخمی ہونے والی خاتون کی شناخت 30 سالہ لبنیٰ ندیم کے نام سے ہوئی ہے، جو 31 سالہ نعیم شہزاد کی اہلیہ ہیں۔
@jhelumupdates جہلم: سوہاوہ کے علاقے ڈومیلی میں دو موٹرسائیکلوں میں حادثہ، 2 نوجوان جاں بحق اور ایک خاتون شدید زخمی ہو گئی #JhelumUpdates #LatestNews #fyp #breakingnews #foryoupagе #viralvideos ♬ original sound – Jhelum Updates
ابتدائی طور پر جاں بحق افراد کی لاشیں اور شدید زخمی خاتون کو نجی ایمبولینس کے ذریعے رورل ہیلتھ سینٹر ڈومیلی منتقل کیا گیا، جہاں زخمی خاتون کو ابتدائی طبی امداد فراہم کی گئی، تاہم خاتون کی حالت انتہائی تشویشناک ہونے پر اسے فوری طور پر ڈسٹرکٹ ہیڈ کوارٹر ہسپتال جہلم منتقل کر دیا گیا۔
عینی شاہدین کے مطابق حادثہ دونوں موٹرسائیکلوں کی تیز رفتاری کے باعث پیش آیا، جو آپس میں آمنے سامنے ٹکرا گئیں۔
