لندن: مغربی لندن کے علاقے ہنسلو میں ایک گھر میں آگ لگنےکے باعث ہلاکتوں کی تعداد 6 ہوگئی۔
پولیس نے اتوار کو لگنے والی آگ کے بعد ایک ہی خاندان کے 5 افراد کی لاشیں نکالی تھیں جبکہ ایک زخمی ہوگیا تھا، جو بدستوار ہسپتال میں داخل ہے اور اس کے زخم زندگی کیلئے خطرہ نہیں ہیں۔
میٹروپولیٹن پولیس کے مطابق آگ اتنی شدید تھی کہ آفیسرز اندر نہ جا سکے۔ امدادی کارکنوں نے میاں، بیوی اور ان کے 3 بچوں کی لاشیں پہلے نکال لی تھیں جبکہ چھٹے شخص کی لاش عمارت کی آگ بجھانے کے بعد امدادی کارروائیوں کیلئے محفوظ بنانے کے بعد نکالی گئی۔
میٹروپولیٹن پولیس کے مطابق اس گھر میں رہنے والوں کی شناخت ارون کشن اور اس کی اہلیہ سیما رترا کے ناموں سے ہوئی جبکہ بچوں کے اسکول کے مطابق ان کے نام ریان، شنایا اور اروہی تھے۔ اس حادثے میں ہلاک ہونے والے چھٹے شخص کی شناخت اب تک ظاہر نہیں ہوسکی۔
حادثے کے بعد اس پراپرٹی سے آگ سے جھلس کر زخمی ہونے والا شخص باہر نکلنے میں کامیاب ہوگیا تھا، جو ہسپتال میں داخل ہے، جس کی حالت خطرے سے باہر ہے۔
