جہلم: مضر صحت ناقص آئل میں باسی مچھلیاں تیار کرکے مہنگے داموں فروخت کی جانے لگیں، پنجاب فوڈ اتھارٹی کے متعلقہ ذمہ داران خاموش، مضر صحت آئل میں تیارمچھلیوں کے استعمال سے شہری موذی امراض میں مبتلا ہونےلگے۔
تفصیلات کےمطابق جہلم شہرسمیت ملحقہ علاقوں میں مضر صحت آئل میں مچھلیوں کی فرائی جاری اور فروخت جاری ہے۔ مضر صحت ناقص مچھلیاں خرید کراستعمال کرنےوالوں نے سرکاری ونجی اسپتالوں کلینکس کا رخ کرنا شروع کررکھا ہے۔
ناقص مضر صحت آئل اور مضر صحت باسی مچھلیاں کھانے سے شہری دمہ، الرجی، معدہ جگر اور دیگر موذی بیماریوں میں مبتلا ہونے لگے ہیں۔ پنجاب فوڈ اتھارٹی کے ذمہ داران کی جانب سے خاموشی سوالیہ بن چکی ہے۔
شہریوں نے ارباب اختیار سے نوٹس لینے اور مضر صحت مچھلیاں فروخت کرنے والے دکانداروں کے خلاف بلا تفریق کارروائیاں کرنے کا مطالبہ کیا ہے۔
