نئے بجٹ میں درآمدی موبائل فونز پر ٹیکس بڑھانے کی تجویز سامنے آگئی۔ منظوری کی صورت میں درآمدی موبائل فونز مہنگے ہونے کا امکان ہے۔
تفصیلات کے پاکستان کو بیرونی ادائیگیوں کے شدید دباؤ کا سامنا ہے اور ایسے میں آئی ایم ایف کا پروگرام ناگزیر بن چکا ہے۔ اسی لئے بجٹ کی تشکیل ایک مشکل مرحلہ قرار دیا جارہا ہے۔
سیلز ٹیکس میں اضافے، بجلی، گیس اور پٹرولیم مصنوعات کے بعد درآمدی موبائل فونز پر فیڈرل ایکسائز ڈیوٹی عائد کرنے کی تجویز سامنے آگئی، درآمدی لگژری موبائل فونز پر ریگولیٹری ڈیوٹی اور پی ٹی اے ٹیکس بڑھنے کا امکان ہے۔
دوسری جانب اسمارٹ موبائل فونز کی مقامی مینوفیکچرنگ کیلئے مراعات دینے کی بھی تجویز ہے۔ موبائل پارٹس، بیٹری، چارجز اور ہیڈ فونز کی مینوفیکچرنگ پر ٹیکس میں کمی متوقع ہے۔
