جہلم: سالانہ سیرت النبی ﷺ کانفرنس 2 نومبر بروز ہفتہ بعد نماز عشاء بمقام جامع مسجد نور سکھا جہلم میں منعقد ہوگی، کانفرنس میں ملک کے جید علمائے کرام، شعراء عظام اور نعت خواں شرکت کریں گے۔
کانفرنس میں خاص طور پر ایرانی ایوارڈ یافتہ زینت القراء قاری محمد ابو بکر آف مانسہرہ، علامہ مولانا شاہ نواز فاروقی آف گجرانوالہ، مولانا حبیب الرحمٰن ضیاء آف چیچہ وطنی، شاعر اسلام مولانا نادر صدیقی اور ثناءخوان مصطفی مولانا شاہد عمران عارفی آف ساہیوال، حافظ ذیشان وزیر آف چکوال اور حافظ ظہیرفاروقی آف دینہ شرکت کریں گے۔
کانفرنس کی صدارت صاحبزادہ مولانا قاری محمد ابوبکر صدیق مدیر جامعہ حنفیہ جہلم کریں گے۔
کانفرنس میں دیگر علماء کرام میں استاذ العلماء مولانا عبدالقدوس اعوان سرپرست مرکزی علماء کونسل ضلع جہلم، استاذ القراء قاری خالق داد عثمان امیر جمیعت علماء اسلام ضلع جہلم، مولانا قاری عطاء اللہ طارق امیر تحریک خدام اہلسنت والجماعت راولپنڈی ڈویژن، مولانا خالد محمود ضیغم رہنماء عالمی مجلس تحفظ ختم نبوت جہلم، مفتی ریاض احمد گلزار رہنماء تبلیغی جماعت جہلم، مولانا قاری عمرفاروق ناظم سنی تحریک پنجاب اور شیخ الحدیث مولانا قاری ظفراقبال سمیت دیگر مقامی علماء کرام، سیاسی، سماجی شخصیات، وکلاء اور صحافیوں سمیت مختلف شعبہ ہائے زندگی سے تعلق رکھنے والے لوگ شریک ہوں گے۔
کانفرنس کے میزبان قاری حکیم شبیراحمد عثمانی نے بتایا کہ کانفرنس کے تمام تر انتظامات مکمل کرلیے گئے ہیں، ان شاءاللہ کانفرنس اپنی سابقہ روایات کے مطابق منعقد ہورہی ہے۔ کانفرنس میں تشریف لانے والے تمام رہنماؤں کا بھرپور اور پرتپاک استقبال کیا جائے گا۔
