الیکشن 2024: بلال اظہر کیانی کا راجہ اویس خالد کے ہمراہ سوہاوہ بازار کا دورہ

سوہاوہ: حلقہ این اے 60 جہلم ون سے مسلم لیگ (ن) کے امیدوار بلال اظہر کیانی نے سابق ایم پی اے راجہ اویس خالد کے ہمراہ سوہاوہ بازار کا دورہ کیا،بازار میں تاجروں نے ان کا شاندار استقبال کیا، پھولوں کی پتیاں نچھاور اور ہار پہنائے۔

اس موقع پر مسلم لیگ ن کے تمام پرانے ساتھی اور نئے شامل ہونے والے تمام افراد بلال اظہر کیانی کے ہمراہ تھے۔

بلال اظہر کیانی نے تاجروں سے کہا کہ 8 فروری کو ہمارا ساتھ دیں، ہم مل کر سوہاوہ کے لیے جو ممکن ہو سکا ضرور کریں گے۔ تمام ووٹرز سے یہی درخواست ہے کہ نشان شیر آپ کو یاد رکھنا ہے۔

انہوں نے کہا کہ میں اس وقت کئی مقامات پر نہیں پہنچ پاؤں گا، سب سے مل پانا ناممکن ہے، میرا پہلا الیکشن ہے، آپ کے ووٹ سے کامیاب ہونے کے بعد آپ سے ضرور ملاقات بھی ہوگی۔

بلال اظہر کیانی نے کہا کہ آپ کے مسائل بھی سنے جائیں گے اور انہیں یقینی طور پر حل کرنے کی بھرپور کوشش بھی کی جائے گی، فی الوقت میرے پیغام کو ہی میری حاضری جان کر آپ میرا ساتھ دیں، میں شکر گزار ہوں گا۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button