عام انتخابات: رات کی تاریکی میں عوامی مینڈیٹ پر ڈاکہ ڈالا گیا، فراز چوہدری

جہلم: فراز چوہدری نے کہا ہے کہ پاکستان کی عوام نے ووٹ کی طاقت سے ظلم کا بدلہ لیا، رات کی تاریکی میں عوامی مینڈیٹ پر ڈاکہ ڈالا گیا۔ نواز شریف ،مریم نواز،ذخواجہ آصف،حنیف عباسی ،علیم خان ،عون چوہدری،حمزہ شہباز ،چوہدری سالک حسین سمیت بڑے بڑے برج ہل گئے۔

سابق وفاقی وزیر فواد چوہدری کے بھائی پاکستان تحریک انصاف ضلع جہلم کے سابق جنرل سیکرٹری فراز چوہدری نے جہلم اپڈیٹس سے گفتگو کرتے ہوئے کہا کہ جاتی عمرہ میں رات گئے تک صف ماتم بچھا رہا،شریف خاندان نے بوٹ چاٹنا شروع کیے، بھاری ڈیل کے بعد عوام کے ووٹ پر ڈاکہ ڈال کر رزلٹ تبدیل کیے گئے۔

انہوں نے کہا کہ نواز شریف نے 1986میں جہاں سے سیاست شروع کی چالیس سال بعد وہی پر لوٹ آئے۔ مرد مجاہد عمران خان اور انکے ساتھیوں پر مظالم ڈھائے گئے، جھوٹے مقدمات، گھر اور کاربار تباہ کیے، خواتین کی تذلیل کی گئی، بلے کا نشان چھینا گیا۔ عجیب و غریب نشانات پی ٹی آئی کے امیدواروں کو الاٹ کیے گئے، انتخابی مہم نہیں چلانے دی گئی اسکے باوجود عوام نے کپتان پر اعتماد کا اظہار کیا، کپتان کے نئے کھلاڑیوں کوبھی ووٹ کی طاقت سے کامیاب بنایا۔

فراز چوہدری نے کہا کہ رزلٹ تبدیل کرکے آپ الیکشن اور عوام کے دل نہیں جیت سکتے، دھاندلی سے بننے والی حکومت ریت کی دیوار ثابت ہوگی۔ ضرورت اس امر کی ہے کہ جس شخص پر عوام نے اعتماد کا اظہار کیا اسکو جیل سے نکالیں،اس کو حکومت بنانے دیں، مذاکرات سے مسائل کا حل نکالیں تاکہ جمہوریت مضبوط ہو سیاسی استحکام آئے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button