سوہاوہ: پروفیشنل گروپ میں وکلاء کی شمولیت کا سلسلہ جاری، ملک عامر سہیل اور ملک زاہد منیر نے گروپ میں باضابطہ شمولیت اختیار کرلی۔
تفصیلات کے مطابق گزشتہ روز ملک عامر سہیل اور ملک زاہد منیر نے پروفیشنل گروپ میں شمولیت کا اعلان کیا، جس پر گروپ کے سینئر ممبران محمد زبیر چوہدری ایڈووکیٹ، راجہ سہیل شفیق ایڈووکیٹ، ناصر محمود کیانی، راجہ عمران شجاعت حسین کاظمی، اور نعمان ہاشمی ایڈووکیٹ نے انہیں خوش آمدید کہا۔
اس موقع پر راجہ محمد سہیل، مس خالدہ منیر اور دیگر گروپ ممبران نے بھی نومنتخب وکلاء کو ویلکم کیا اور انہیں گروپ کا حصہ بننے پر مبارکباد دی۔
تقریب میں گفتگو کرتے ہوئے سینئر وکلاء نے کہا کہ محبتوں کے اس سفر میں نئے دوستوں کا اعتماد ہمارے لیے اعزاز ہے۔ پروفیشنل گروپ ہمیشہ وکلاء کے حقوق اور بار کی فلاح و بہبود کے لیے مثبت کردار ادا کرتا رہا ہے اور آئندہ بھی کرتا رہے گا۔
نئے شامل ہونے والے ملک عامر سہیل اور ملک زاہد منیر بیرون ملک سے اعلیٰ تعلیم یافتہ اور معتبر ڈگری ہولڈرز ہیں، جنہوں نے بار میں نمایاں خدمات سرانجام دی ہیں۔ اس موقع پر انہوں نے اپنی شمولیت پر خوشی کا اظہار کرتے ہوئے کہا کہ وہ پروفیشنل گروپ کے استحکام اور بار کی بہتری کے لیے اپنی سابقہ روایات کو برقرار رکھتے ہوئے بھرپور کردار ادا کریں گے۔
