جہلم: تھانہ کالا گجراں پولیس کی اہم کارروائی، موٹرسائیکل چوری کرنے والے چور کو گرفتار کر کے چوری شدہ موٹرسائیکل برآمد کر لیا۔
تفصیلات کے مطابق جہلم میں ایس ایچ او تھانہ کالا گجراں اور ان کی ٹیم نے کامیاب کارروائی کرتے ہوئے موٹرسائیکل چوری کے مقدمہ میں ملوث ملزم تیمور کو گرفتار کر لیا۔ دوران تفتیش ملزم کے قبضے سے چوری شدہ موٹرسائیکل برآمد کر لیا گیا ہے۔
پولیس کا کہنا ہے کہ ملزم کے خلاف ٹھوس شواہد اکٹھے کر لیے گئے ہیں اور اسے جلد مکمل چالان کے ساتھ عدالت میں پیش کیا جائے گا تاکہ اسے قانون کے مطابق قرار واقعی سزا دلوائی جا سکے۔
