پاکستان کے لوگ انتخابات میں تعلیم یافتہ افراد منتخب کریں، روشینہ آفتاب

کوونٹری: بچوں کی تعلیم و تربیت کی تنظیم اینجل پیپلز کے چیئرمین روشینہ آفتاب نے کہا ہے کہ جس ملک کے نوجوان بچے تعلیم و تربیت سے روشناس ہو جائیں وہاں غربت امن اور معاشی بدحالی کی فکر ختم ہو سکتی ہے۔ اس کیلئے ضروری ہے کہ عام انتخابات میں پڑھے لکھے لوگوں کو کامیاب کیا جائے جو نہ صرف تعلیم سے آگاہی رکھتے ہوں بلکہ کردار کے غازی بھی ہوں۔

انھوں نے کہا کہ کراچی سے ایک پڑھی لکھی خاتون تبسم عبدالقادر آزاد حیثیت سے انتخابات میں حصہ لے رہی ہیں جنھوں نے اہم عہدوں پر رہ کر بخوبی اپنی ذمہ داریاں نبھائیں اور پھر بیرون ملک میں اپنا ذاتی کاروبار کر کے دنیا کو حیران کر دیا اور پھر پاکستان کی خدمت کی اور ہر اس مسلک اور تنظیم کی مدد کی جو انسانیت اور بھلائی کے کاموں میں اپنا کردار ادا کرتے ہوں۔

تبسم عبدالقادر کو پاکستان کی محبت کراچی کھینچ کر لائی جن کے اندر انسانیت اور پاکستان کی محبت کوٹ کوٹ کر بھری ہے عوام کو چاہئے کہ وہ ایسے ہی لوگوں کو آگے لائیں انھیں آزمائیں ان کے ساتھ کندھے سے کندھا ملائیں کیونکہ انھوں نے اپنے عمل اور کردار سے اپنا آپ دکھایا، ایک مثال بن کر ابھرے۔

اب پرانے بوسیدہ لسانی سیاست سے نکلنے کا وقت ہے ہمیں اپنے ملک کو سنوارنا ہے نوجوانوں اور بچوں کا مستقبل بنانا ہے اس کیلئے ضروری ہے کہ ایسے ستاروں کو تلاش کریں جو اپنی چملک سے دوسروں کو روشنی دے سکتے ہیں۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button