جماعت اسلامی سارا سال عوام کے درمیان موجود رہتی ہے۔ ڈاکٹر قاسم محمود، سید ضیاء اللہ بخاری

جہلم: جماعت اسلامی ضلع جہلم نے بھی الیکشن مہم کا کامیاب آغاز کالا گوجراں میں الیکشن آفس سے کر دیا۔

جماعت اسلامی کے نامزد امیدواروں سید ضیاء اللہ بخاری، جماعت اسلامی کے ضلعی امیر ڈاکٹر قاسم محمود چوہدری اور مرزا محمد افضال نے خطاب کرتے ہوئے کہا کہ جماعت اسلامی نے تعلیم یافتہ اور اہل امیدوار میدان میں اتارے ہیں جو عوام کے مسائل اور تکالیف کا مکمل ادراک رکھتے ہیں۔

انہوں نے کہا کہ دیگر پارٹیوں کے امیدوار کبھی ایک پارٹی میں ہوتے ہیں اور کبھی دوسری اور تیسری میں، جس پارٹی کا پلڑا بھاری نظر آتا ہے اس میں چھلانگ لگا دیتے ہیں کیونکہ ان کے سامنے اپنا ذاتی مفاد ہوتا ہے یہی وجہ ہے کہ 76 سال سے زیادہ ہونے کو ہیں لیکن عوام کے مسائل میں مسلسل اضافہ ہی ہو رہا ہے۔

جماعت اسلامی کے رہنماؤں نے کہا کہ جماعت اسلامی فصلی بٹیروں کی طرح صرف الیکشن کے دنوں میں نہیں بلکہ سال کے 365 دن عوام کے درمیان موجود رہتی ہے اور الخدمت فاؤنڈیشن اور اپنے پلیٹ فارم سے عوام کے دکھ درد میں شریک اور ان کے مسائل کو حکومت نہ ھونے کے باوجود حل کرنے کی کوشش کرتی ہے۔

انہوں نے کہا کہ چاہے راشن کی صورت میں ہو، ناگہانی آفات کی صورت نیں ہو یا یتیم بچوں کی کفالت کے ذریعے ہو، عوام بھی اب جان چکی ہے کہ کون ان کا حقیقی خیر خواہ ہے اور کون صرف الیکشن میں ووٹ کے لیے ان سے رابطہ کرتا ہے۔

جماعت اسلامی کے ٹکٹ ہولڈرز امیدواروں کا مزید کہنا تھا کہ اس دفعہ عوام 8 فروری کو جماعت اسلامی کے نشان ترازو پر مہر لگا کر اپنی تقدیر بدلنے کے کام کا آغاز کرے گی کہ اب ان کے مسائل کا حل صرف جماعت اسلامی کے پاس ہے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button