برطانیہ میں پاکستانی ہائی کمشنرڈاکٹرمحمد فیصل نے کہا ہے کہ پاکستان کی پہلی ترجیح امن تھی،اب کوئی شک نہیں بھارتی حملوں کاجواب دیں گے۔
برطانیہ میں پاکستانی ہائی کمشنرڈاکٹرمحمد فیصل نے اسکائی نیوزکوانٹرویو دیتے ہوئے کہا کہ حملوں کاجواب دینے کے لیے کاؤنٹ ڈاؤن شروع ہوگیا۔
انہوں نے کہا کہ پہلگام حملے کی غیرجانبداراورعالمی تحقیقات میں تعاون کے لیے تیار تھے، بھارت پہلگام واقعہ کی عالمی سطح پرتحقیقات سے کیوں خوف زدہ ہے۔
انہوں نے مزید کہا کہ ہمارے ملک پرمیزائل پھینکے جارہے ہیں، معصوم لوگوں کومارا جا رہاہے، ایسی صورت میں بھارت کے ساتھ کیسے تعاون کرسکتے ہیں۔
