جہلم کے مسائل حل کرنے کے لیے نئی ترقیاتی سکیموں کی ضرورت ہے، جاری منصوبوں کو مکمل کرنے سے شہریوں کو ریلیف ملے گا۔
یہ بات ڈپٹی کمشنر جہلم کیپٹن (ر) سمیع اللہ فاروق نے صوبائی و قومی اسمبلی کے ممبران کے نمائندوں کے ساتھ میٹنگ میں کہی۔ اجلاس میں ضلع جہلم میں جاری منصوبوں کی موجودہ صورتحال اور نئی سکیموں کی ضرورت پر غور کیا گیا۔
ڈپٹی کمشنر جہلم نے کہا کہ ممبران اسمبلی کے حلقوں میں اہم ترین مسائل کو حل کرنے کے لیے وفاقی اور صوبائی حکومت سے زیادہ سے زیادہ فنڈز حاصل کرنے کی کوشش کی جارہی ہے تاکہ شہریوں کے تمام مسائل حل ہو سکیں۔
