جہلم پولیس کا منشیات فروشوں کے خلاف کریک ڈاؤن، 3 ملزمان کو بھاری مقدار میں منشیات سمیت گرفتار کر لیا۔
تفصیلات کے مطابق جہلم پولیس کی منشیات فروشوں کے خلاف کارروائیاں جاری ہیں۔ ڈی پی او جہلم طارق عزیز سندھو کی ہدایت پر مختلف تھانوں کی ٹیموں نے الگ الگ کارروائیوں کے دوران 3 ملزمان کو بھاری مقدار میں منشیات سمیت گرفتار کر لیا۔
تھانہ سٹی پولیس نے کارروائی کرتے ہوئے منشیات بیچنے والے اور منشیات سپلائی کرنے والے 2 ملزمان کو حراست میں لیا۔ گرفتار ملزم سے 1 کلو 320 گرام چرس برآمد کی گئی۔
اسی طرح تھانہ صدر پولیس نے کارروائی کرتے ہوئے ایک منشیات فروش کو گرفتار کیا، جس کے قبضے سے 1 کلو 80 گرام آئس برآمد ہوئی۔
دوسری جانب تھانہ پنڈ دادنخان پولیس نے انچارج چوکی کھیوڑہ کی نگرانی میں کارروائی کرتے ہوئے ایک ملزم کو گرفتار کیا، جس کے قبضے سے 1 کلو 200 گرام چرس برآمد کی گئی۔
ڈی پی او جہلم طارق عزیز سندھو نے کہا کہ منشیات فروش معاشرے کا ناسور ہیں، جن کے خلاف بھرپور کریک ڈاؤن جاری ہے اور عوام کو اس لعنت سے بچانے کے لیے پولیس اپنی تمام تر صلاحیتیں بروئے کار لا رہی ہے۔
