جہلم: حکومت پنجاب کے ویژن منشیات فری پنجاب کی روشنی میں ڈی پی او جہلم کی زیر قیادت جہلم پولیس کا منشیات فروش ملزمان کے خلاف کریک ڈاؤن جاری، 2 لیڈی منشیات فروش ملزمان سمیت 5 منشیات فروش گرفتار کر لئے گئے۔
تفصیلات کے مطابق ایس ایچ او سول لائنز اور ٹیم نے کارروائی کرتے ہوئے ملزمان منظور حسین عرف جھولی، نعیم ، ذوالقرنین اور 2 خواتین منشیات فروشان عاصمہ اور پاکیزہ کو رنگے ہاتھوں گرفتار کر لیا۔
ملزم منظور حسین سے 750 گرام ہیروئن،نعیم اور عاصمہ سے 1 کلو 200 گرام چرس جبکہ ملزم ذوالقرنین اور پاکیزہ سے 1 کلو 200 گرام چرس برآمد کر لی گئی۔
پولیس نے تمام ملزمان کے خلاف انسداد منشیات ایکٹ کے تحت الگ الگ مقدمات درج کر لئے۔
ڈی پی او جہلم ناصر محمود باجوہ نے کہا کہ منشیات فروشی کا خاتمہ حکومت پنجاب کا ویژن ہے جسے جہلم پولیس حقیقی معنوں میں عملی جامہ پہنا کر ہی دم لے گی، ڈی پی او جہلم نے ایس ایچ او سول لائن اور ٹیم کو شاباش دی۔
