پنڈدادنخان میں 28 سالہ نوجوان مزدا ٹرک سے گر کر جاں بحق ہو گیا، لاش کو ہسپتال منتقل کر دیا گیا۔
تفصیلات کے مطابق جہلم کی تحصیل پنڈدادنخان کے علاقے پتھر ندی کے قریب افسوسناک حادثہ پیش آیا، جہاں ایک شخص مزدا ٹرک سے گر کر موقع پر ہی جاں بحق ہو گیا۔
ریسکیو ذرائع کے مطابق جاں بحق ہونے والے شخص کی شناخت ثاقب الیاس ولد محمد الیاس کے نام سے ہوئی ہے، جس کی عمر 28 سال اور تعلق بھیرہ سرگودھا سے تھا۔
ریسکیو ذرائع کے مطابق ثاقب الیاس مزدا پر سوار تھا کہ توازن برقرار نہ رکھ سکا اور گر کر اسی گاڑی کے نیچے آ گیا، جس کے نتیجے میں وہ موقع پر ہی دم توڑ گیا۔ حادثے کی اطلاع ملتے ہی ریسکیو ٹیم موقع پر پہنچ گئی اور ضروری کارروائی مکمل کی۔
