جہلم: یکم جنوری سے ڈرائیونگ لائسنس فیسوں میں اضافے کے پیش نظر ٹریفک پولیس نے شہریوں کو جلد از جلد لائسنس بنوانے کی ہدایت کردی۔
تفصیلات کے مطابق یکم جنوری سے ڈرائیونگ لائسنس، لرنر پرمٹ اور انٹرنیشنل لائسنس کی فیسوں میں اضافہ کر دیا جائے گا۔ ٹریفک پولیس ذرائع کے مطابق یکم جنوری سے نئے لائسنس کی فیس 5 ہزار جبکہ لرنر پرمٹ کی فیس ایک ہزار روپے مقرر کر دی جائے گی۔
ذرائع کا کہنا ہے کہ شہریوں کی سہولت اور آسانی کیلئے چھٹی کے روز بھی تمام لائسنس دفاتر کھلے رہے تاکہ شہری لائسنس دفاتر سے لائسنس سروسز سے استفادہ حاصل کرسکیں۔
ذرائع کا کہنا تھا کہ آن لائن سروسز فراہم ہونے سے 50 فیصد رش میں کمی واقع ہوئی ہے، کم عمر اور بغیر لائسنس ڈرائیورز کیخلاف کریک ڈاؤن میں کوئی نرمی نہیں ہوگی اور کم عمر ڈرائیورز کے ساتھ سختی سے نمٹا جائے گا۔
