جہلم: ضلع جہلم میں رواں سال کی چوتھی پولیو مہم جاری، تین دنوں میں 2 لاکھ سے زائد بچوں کو پولیو ویکسین پلائی گئی۔
تفصیلات کے مطابق رواں سال کی چوتھی اور آخری پولیو مہم کے پہلے تین روز کے دوران 215488 کو قطرے پلائے گئے۔
ضلع جہلم میں پولیو مہم میں 2 لاکھ 28 ہزار سے زائد بچوں کو ویکسین پلانے کا ہدف مقرر کیا گیا ہے۔ آئندہ دو روز کے دوران بقیہ بچوں کو ویکسین دی جائے گی۔
حالیہ پولیو مہم میں ویکسین سے انکاری 28 بچوں کے والدین کو قائل کرکے ویکسی نیشن کو یقینی بنایا گیا۔ 1700 سے زائد پولیو ورکرز پانچ روزہ مہم میں شریک ہیں۔
