سوہاوہ: ایس ایچ او تھانہ سوہاوہ محمد عمران اور ٹیم کی اہم کارروائی، زمین کے تنازعہ پر متحارب گروپوں کے اقدام قتل کے مقدمہ میں ملوث 4 ملزمان کو گرفتار کر لیا گیا۔
تفصیلات کے مطابق جہلم کی تحصیل سوہاوہ میں پولیس نے کارروائی کرتے ہوئے زمین کے تنازعہ پر متحارب گروپوں کے اقدام قتل کے مقدمہ میں ملوث چار ملزمان شیرازشہزاد، شہزاد اختر، پرویز اختر اور شمس تبریز کو گرفتار کر لیا۔
ملزم شیراز سے بندوق12بور معہ کارتوس،ملزم شہزاد سے بندوق 12 بور معہ کارتوس جبکہ ملزمان پرویز اختر اور شمس تبریز سے لڑائی میں استعمال ہونے والی کلہاڑیاں بر آمد کر لی گئیں۔
سوہاوہ پولیس کا کہنا ہے کہ ملزمان کی نشاندہی پر اسلحہ ناجائز برآمد ہونے پر الگ مقدمات درج کر لئے گئے، ملزمان کو ٹھوس شواہد کے ساتھ چالان عدالت کیا جائے گا اور قرار واقعی سزا دلوائی جائے گی۔
