جہلم: بلوچستان میں نوجوانوں کا قتل عام ،عوام کا بڑھتی دہشت گردی کے واقعات پر شدید غم وغصے کا اظہار،بلوچستان میں مسافروں اور مزدوروں کا قتل عام معمول بن چکا ہے جسے سابقہ حکومتیں نہ روک سکی ہیں اور نہ ہی موجودہ حکومت کنٹرول کرنے میں کامیاب ہوئی،دشمن جب چاہتا ہے مسافر گاڑیوں کو روک کر چیکنگ کے بہانے نہتے بیگناہ لوگوں کو گاڑیوں سے اتار کر گولیاں مار دی جاتی ہیں ، جنہیں کوئی پوچھنے والا نہیں۔
ان خیالات کا اظہار شہری تنظیموں کے عمائدین نے اخبارنویسوں سے خصوصی گفتگو کے دوران کیا، انہوں نے رواں ماہ ہونے والے قتل عام پر شدید ردِ عمل کا اظہار کرتے ہوئے کہا کہ قانون نافذ کرنے والے ادارے قاتلوں کو گرفتار کرکے قانون کے کٹہرے میں لائیں۔
انہوں نے کہا کہ پچھلی کئی دہائیوں سے بلوچستان میں موجود دہشت گرد مسافروں کو چیکنگ کے بہانے گاڑیوں سے نیچے اتارلیتے ہیں اور جنگل میں لے جا کر نہتے بیگناہ معصوم شہریوں کو گولیوں سے چھلنی کردیا جاتا ہے ۔
انہوں نے کہا کہ تازہ ترین واقعہ میں نصب درجن سے زائد مزدوروں کو دہشت گردوں نے گولیوں کا نشانہ بنایا بلوچستان حکومت دہشت گردوں کے خلاف کارروائیاں کرے تاکہ مسافروں میں پائی جانے والی بے چینی کا خاتمہ ممکن ہو سکے ۔
انہوں نے کہا کہ اگر بلوچستان حکومت دہشت گردوں پر قابو نہیں پاسکتی تو بلوچستان حکومت کو بلوچستان رینجرز کے حوالے کردینا چاہئے تاکہ پنجاب سمیت دیگر صوبوں سے حصولِ روزگار کے لئے جانے والے افراد کا قتل عام بند ہو سکے۔
