جہلم: ایڈیشنل آئی جی ٹریفک پنجاب مرزا فاران بیگ کی جانب سے عوام کی سہولت کیلئے ایک اور احسن اقدام، موٹر سائیکل کا ڈرائیونگ لائسنس اب بغیر کسی دشواری کے حاصل کیا جا سکتا ہے۔
ڈسٹرکٹ پولیس آفیسر جہلم ناصر محمود باجوہ کی ہدایت پر ڈسٹرکٹ ٹریفک آفیسر رضا اعوان نے ضلع بھر میں میڈیا کی وساطت سے شہریوں کو آگاہی دینے کیلئے جہلم پریس کلب کے نمائندہ وفد سے خصوصی گفتگو کرتے ہوئے ڈی ایس پی ٹریفک رضا اعوان نے کہا کہ موٹر سائیکل کا ڈرائیونگ لائسنس اب بغیر کسی دشواری کے حاصل کیا جا سکتا ہے ، اب لرنر کے 42 دن کا انتظار بھی ختم کر دیا گیا ہے۔
انہوں نے بتایا کہ لائسنس حاصل کرنے والے امیدوار آج ہی ہمارے قریبی لائسنس برانچ و خدمت مرکز میں تشریف لائیں اور پہلے وزٹ پر موٹر سائیکل کا ڈرائیونگ لائسنس حاصل کریں۔ موٹر سائیکل چلانے والے 18 سال کے سٹوڈنٹس و دیگر شہری حضرات کے لیے خوشخبری ایڈیشنل آئی جی پنجاب ٹریفک مرزا فاران بیگ ڈی پی او جہلم ناصر محمود باجوہ کی خصوصی ہدایت پر لائسنس جاری کئے جارہے ہیں۔
ڈسٹرکٹ ٹریفک آفیسر رضا اعوان نے بتایا کہ ڈرائیونگ لائسنس کے حصول کے لیے کسی سفارش یا ٹاوٹ کی ضرورت نہیں ،ڈرائیونگ لائسنس اہلیت کی بنیاد پر جاری کئے جا رہے ہیں،ماتحت ٹریفک پولیس افسران کو ہدایت جاری کی گئی ہے ،کہ حصول لائسنس کے لیے آنے والے امیدواروں کے ساتھ خوش اخلاقی سے پیش آئیں اگر کسی شہری کو کسی قسم کی کوئی شکایت ہو تو میرے دفتر کے دروازے شہریوں کے لیے کھلے ہیں۔
وفد میں صدر مہر محمد الیاس، جنرل سیکرٹری الیاس صادق وٹو، سرپرست چوہدری مہربان حسین،نائب صدر مرزا قدیر بیگ ،سیکرٹری اطلاعات ڈاکٹر اعجاز اعوان ،سید ناصر محمود ،چوہدری تصور حسین،چودھری دانیال عابد ،شہر یار علی راجہ،مرزا فاران بیگ ،صدر الیکٹرانک میڈیا چوہدری عابد محمود،جنرل سیکرٹری غلام قادر مخلص ،چیئرمین عامر کیانی ،ڈیجیٹل میڈیا کے صدر انیس الرحمان بٹ ،جنرل سیکرٹری محمد ادریس عبدالغفار شامل تھے۔
