پنڈدادنخان: ڈی پی او جہلم طارق عزیز سندھو کی ہدایات پر ایس ایچ او تھانہ جلالپور شریف اور ان کی ٹیم نے کامیاب کارروائی کرتے ہوئے 21 سالہ نوجوان سے جنسی زیادتی کا نشانہ بنانے والے ملزم کو گرفتار کر لیا۔
پولیس کے مطابق ملزم حامد کو ٹھوس شواہد کی بنیاد پر گرفتار کر لیا ہے اور اس کے خلاف سخت قانونی کارروائی عمل میں لائی جائے گی۔
مدعی مقدمہ نے پولیس کو بتایا کہ ملزم نے اس کے بیٹے کو ویران جگہ پر زبردستی بدفعلی کا نشانہ بنایا۔ اس واقعے کی اطلاع ملتے ہی پولیس نے فوری کارروائی کرتے ہوئے ملزم کو گرفتار کر لیا۔
پولیس کا کہنا ہے کہ ملزم کو ٹھوس شواہد کے ساتھ چالان کرکے عدالت میں پیش کیا جائے گا، تاکہ اسے قرار واقعی سزا دلوائی جا سکے۔
ڈی پی او جہلم طارق عزیز سندھو نے کہا کہ خواتین اور بچوں کے ساتھ زیادتی جیسے سنگین جرائم پر زیرو ٹالرنس پالیسی اپنائی جا رہی ہے، اور ایسے ملزمان کو ہرگز معاف نہیں کیا جائے گا۔
